تعبئة النص بصورة

أدوات الدرس
في ها الدرس بنحتاج لصور ،، ممكن تكون عن أي شي ،،
يفضل استخدام صور حيوية وان تكون ألوانها متوزعة على مساحة الصورة ،،
بالنسية لي أفضل استخدام صور الزهور ــ
يمكنكم اختيار الصورة التي تناسبكم من معرض جواهر الإمارات ..
أما الصورة المستخدمة في الدرس فهي الآتي:






خطوات التنفيذ
نبدأ
الخطوة الأولى:
File >> New




بيظهر لنا بوكس عشان نختار حجم الصفحة ،، ونوعها ،، هني انا اخترت 310 Pixels للعرض و 95 Pixels للطول ،، ممكن تختارون أي حجم انتوا تفضلونه
والـ Contents خلوها Transparent ،، واضغطوا على OK



المفروض تظهر لكم مساحة العمل بهذه الصورة:



الخطوة الثانية:
باستخدام أداة الكتابة T واللي رمزها نكتب الكلمة اللي أي شي ،، وهني كتبت jewels




ممكن تستخدمون أي خط وبأي حجم ،، بس يفضل ان الحجم ما يكون صغير وايد ،، أما عن لون الخط ،، اختاروا أي لون ،، ما يأثر ،، في النهايه بنعبي النص بصورة

الخطوة الثالثة:
دخلنا في الجد ،، بنخلي النص على صوب ،، وبنشتغل على الصورة ،،
مثل ما قلنا ،، إما إنكم تيبون صورة من عندكم ،، أو إنكم تختارون من الصور الموجودة في صور متنوعة ،،
في حال لو اخترتوا صورة من موقعنا ــ صور متنوعةــ يرجى اتباع التالي:
1- غالبية الصور الموجودة في صور متنوعة مخزنة بصيغة JPG بتلاحظون انه شي قفل على الصورة ومكتوب على اللير
Background
لاحظ الصورة المختارة مع وجود علامة القفل على اللير



ها القفل لازم ينشال
بطريقة سهله وبسيطة جداً ،، إما إنكم تنقرون على اللير مرتين على السريع بيظهر لكم بوكس ثاني ،، تضغطون على OK ،،
أو
تروحون على Layer >> New >> Layer From Background



بيظهر لكم ها البوكس ،، اضغطوا على OK



الخطوة الرابعة:
الحين عقب ما شلينا القفل ،، المطلوب منا نقل هاي الصورة لبوكس النص اللي خليناه على صوب ،،
باستخدام أداة المؤشر الموجودة في أعلى يمين قائمة الأدوات نقوم بالتالي:

خذو المؤشر على الصورة ــ المراد نقلها ــ ونقرة على اليسار بالماوس واسحبوا الصورة من مكانها لبوكس النص وشلوا ايدكم عن الماوس ،،
المفروض عقب عملية النقل هذي ،، تحصلون على هذي النتيجة:


http://www.jewelsuae.com/psd/allDoroos/Doroos/dNa9/dNa9-11.gif


تمام؟؟
ننتقل للخطوة الخامسة

الخطوة الخامسة:
أسهل خطوة وأحلى خطوة في الدرس ،، لها طريقتين ،،
1- الطريقة السهلة:
اضغط على Ctrl + G من لوحة المفاتيح ،،

2- طريقة الناس اللي يحبون يسوون كل شي على أصوله.....
روحوا على القائمة الرئيسية فوق واختاروا التالي:
Layer >> Group with Previous




لاحظوا النتيجة مع وضع الليرات



الخطوة السادسة والأخيرة
لازم انخزن النص بصيغة gif
نروح على
File >> Save as




عقب نكتب اسم للملف بشكل عادي،، بتلاحظون تحت شريط الاسم شي شريط ثاني مكتوب على يساره Format وعلى يمينه شي سهم صغير اضغطوا على السهم عشان تظهر لكم قائمة الصيغ ،، اختاروا منها صيغة GIF عقب اضغطوا Save

لاحظوا الصوره:k k k



بجي نكون خلصنا الدرس ،،

والنتيجة النهائية: