اضحك فى وجه ابليس

ايوه ممكن اللى يقرا الرساله ده يقول على مجنون
موضوع الرساله اضحك فى وجه ابليس


ابليس طول الوقت قاعد يدبر لينا الخطط علشان يسبب الم لينا علشان يتعبنا
علشان يبعدنا عن الرب علشان يحبطنا علشان يفشلنا علشات يقول لنا انه مفيش امل ان كل شى انتهى

ولكن !!!!

من هنا ومن بداية الحرب احب اشارككم بثلاثة نقاط

1- اضحك فى وجه ابليس لان النصر لك مضمون مضمون
++++++++++++++++++++++++++++++++

احنا اولاد الملك اللى دفع اليه كل سلطان فى السماء وعلى الارض
هل ممكن للملك العظيم الرب يسوع ان يدخل فى معركه مع عدو الخير ومش
ضامن الانتصار
لا طبعا النصر فى ايده مضمون مضمون
لما اعتقد ابليس فى يوم ان النصر ليه هو وحك ضحك عالى جدا لما رب المجد اتصلب ومات ضحكاته لم تستمر ولكن سريعا ما انتصر الرب سريعا وتحولت ضحكات ابليس الى حزن عميق جدا لان كل اماله خابت بقيامة الرب
وعلشان كده من انهارده هنضحك فى وجه ابليس لان النصر مضمون مضمون

2- اضحك فى وجه ابليس لان الرب اروع اب يصون
+++++++++++++++++++++++++++

احنا مش بنتعامل مع ملك وبس ولكن مع ملك ملوك ورب ارباب
طيب الملك ده يدينا صلة قرابه ؟
ايوه صلة القرابه انه ابونا اللى ضامنا فى ايده اللى عينه علينا طول الوقت اللى
ضامنا اللى بيحرسنا اللى دايما بيقول لينا لا تخف لانى معك
كلمات الكتاب مليئه بالكلمات التى تعلن عن حماية الرب لنا وتعلن انه اروع اب لنا
يصون حياتنا ويرعانا ويحمينا
ملاك الرب حال حول خائفيه وينجيهم
علشان كده لازم نضحك فى وجه ابليس لانه اروع اب يصون

3- اضحك فى وجه ابليس لان اللى بيحاربك من يكون؟
++++++++++++++++++++++++++++++

ان كان الله معنا فمن علينا اذا كان الرب معانا مين يقدر يقف قدمنا بشر كان
او ابليس مين اللى سلطانه اكبر من سلطان الرب مين اللى انتصر على الموت زيه
من اللى انتصر على الشيطان زيه
اطمن لان اللى معاك اقوى من اللى عليك

ومن هنا عايز اختم بالايه الحلوه اللى بتقول يعظم انتصارنا بالذى احبنا
ليست نصره عاديه لكنها نصرة عظيمه

اتمسك بالرب واضحك فى وجه ابليس لان النصر مضمون لانم فى يد اروع اب يصون
لانك الذى يحاربك من يكون ؟


صلو من اجلى

ميرسى كتير لمرورك ويارب الموضوع يكون عجبك وميرسى كتير للتشجيع المستمر

فعلا موضوع مميز وجميل ومفيد ربنا يباركك ويعوضك
الى الأمام دائما