تواضع ابونا

اثار الشيطان زوبعة داخل اسرة يرعاها ابونا بيشوى كامل و انزل الغضب و الثورة فى

قلب الزوج فما كان من الزوجةسوى ان طلبت من ابنها ان يسرع الى الكنيسة ليحضر

ابونا بيشوى و حضر الاب القديس على الفور و اذا بالشيطان يثير الزوج اكثر فيقول انتم

عايزين تضغطوا عليا اكثر يا ابونا طيب انا نازل و مش راجع البيت تانى قالها و هو يندفع

نحو الباب للنزول و لكن ابونا بيشوى لم يتركة فذهب وراءة و عندما راة الزوج نازلا خلفة

قال لة متعجبا ابونا ماتتعبش نفسك و تيجى ورائى انا مش راجع و لكن ابونا اجابة فى

هدوء انا ماقدرش اسيبك لوحدك و انت تعبان كدة لازم اجى معاك فاكمل الزوج طريقة

و اسرع خطاة و هو متعجب من امر ابونا ثم نظر وراءة فاذا بابونا بيشوى يسرع خلفة

بنفس سرعتة فوقف الزوج يعاتبة قائلا ليس هناك داعى لهذا التعب الناس عرفاك

يا ابونا هيقولوا اية وهم شايفينك كدة بتجرى فى الشارع اجاب ابونا بيشوى مبتسما

مش مهم المهم انى مش هاسيبك يابنى طول ماانت تعبان كدة فاراد الزوج ان يضع

حدا لهذا الامر فاسعفة فكرة الى طريقة يتخلص بها من حصار الحب الذى فرضة علية

ابونا بيشوى فما كان منة الا ان جلس على الرصيف فى الشارع و هو يقول لابونا

طيب ادى قاعدة لما اشوف هتعمل اية و ببساطة شديدة و بلا تردد اخذ ابونا بيشوى

مكانة بجوارة على الرصيف امام جميع المارة و هو يقول طيب و مالة و ادى قاعدة

ذهل الزوج و احترق الشيطان امام شدة اتضاع ابينا القديس و سالة الزوج فى حيرة

ابونا كل الناس شيفاك 0 كرامتك يا ابونا لية كل دة فاجاب الاب الحنون

و اية يعنى مش المسيح نزل لغاية رجلين تلاميذة و غسلهم مش عايزنى انا اقعد

جنب ابنة و هو تعبان فغاب الشيطان بلا رجعة و استسلم الزوج فى هدوء و دموع لابية

قائلا ماذا تريد منى يا ابى فاجابة نرجع البيت تانى فقال بمنتهى الطاعة حاضر يا ابى

و كانت هذة هى اخر زوبعة لهذة الاسرة


بركة و صلوات و شفاعة ابونا بيشوى كامل معانا

بجد قصة جامدة جداااااااااااااااااااا

ميرسى كتير لمرورك ويارب تكون عجبتك

قصة جميلة جداجدا ربنا يبارك خدمتك يا ترنك

ميرسى كتير لمرورك وتشجيعك المستمر لينا ويارب الموضوع يكون عجبك