الرئيسية
علم الهسستعريفة
التمرحل من العقلانية إلى النضج
وأزاى نشوف كويس اصلى الجو مغيم
الحلقة الاولى من علم الهسس
الموضوع الاول
من شعر الهساس ..... كليك أول مرة
لما كنت رئيس الهسايسة كتبت احلى قصايدى الشعرية
طبعا من وجهى نظرى
هو انتوا ما تعرفوش انى بكتب شعر!!
عيب عليكم!
وبعد ما اعتزلت منصب الرياسة
وانا بتصفح مذكراتى وتدويناتى
قلت ما فيش مشاكل ان الواحد
يعيد نشرها تانى لشعب الهسس
عشان تحصل الفائدة
واليكم احلى ما كتبت
عالمصطبة
لما واحد مهم يموت بيجوا يدفنوه جبنا.. فى مقابر الأكابر
وياخدو العزا فى المندرة...فساعات المندرة تتملى بالناس
فالى واقف بره كان بيقعد عالمصطبة
جنب بيتنا مصطبة
من عمر ابويا
بأت علامة للورا
اقعد عليها
ناس كتير
انما ايه كبره
زى سفير البلاد
اللى مأضياها
منظرة
ووزير الوزارة
اللى ورا
---------
اصلوا بيتنا
بيطل على المندرة
وبلدنا طلة على
المقبرة
مقابر الملوك
والرؤسا
واللى غاوى مفخرة
----------
وفى يوم قعد عليها
ميسرة
وفى ايدو جرنال
وفى جيبو
مقص زى المسطرة
قطع مقالة
وحشى بيها مسدسه
وحب يقتل
حنظلة
وفى اللحظة المظفرة
نشن
وصوب
وفجأة
الناس هات
يا ضحك وكركرة
على مخ صاحبنا
اللى اتمسح بالسنفرة
كان فاكر الكلمة
رصاصة يمكن ضربها
زى ما بتطلع من بق
كله مسخرة
-----------
وقعد عليها ناس
غاوية دندنة
ومواويل
وغنا
صوتها كان
حزين
وعامل جلجلة
زى الطيور
المهاجرة من هنا
----------
وكبر سن الملوك
وقل الموت عندنا
وفين وفين
لما نفتح مقبرة
واتأفلت المندرة
واتصدرت المصطبة
الموضوع التانى
الحمار المسئول ...... مات يا جدعان
نعى الهساس الأعظم موت الحمار المسئول
والذى وافته المنية صباح اليوم بطريقة فوجائية
اصر اصابته بسكته دماغية قلبية وأظهرت تقاريرالطب الشرعى
اسباب الوفاة انها كانت نتيجة
اصرار الناس على شتم بعضها بالحمار
وقلة حب الناس للحمار
وسعى الجزارين الى دبح الحمير وتأّكلها للناس
بالإضافة الى هموم الحمير الكتيرة اللى ملهاش حل
فنسأل لأهل الحمار المسئول
الصبر والسولان
وعوضنا الله خير منه
يلا يا جماعة عايز ردودكم فى علم الهسس ده
وابقوا اسهلوا عليا
وقريب اووى هنعمل قسم خاص للهسس
ربنا ما يوريكم
ـــــــــــــــــــــــــــــــــــ
